《全運港將》專訪蔡俊彥 花劍奪冠教練找數染粉紅頭
- Bear Bear Post
- 2天前
- 讀畢需時 2 分鐘
ViuTV全新節目《全運港將》逢星期一5時30分播放。主持李莉每集會訪問不同項目的香港運動員代表，了解他們日常訓練和備戰第十五屆全國運動會近況。下星期一（11日）首播，請來連贏上海花劍大獎賽、亞洲錦標賽和世界錦標賽，登上世界排名第一的中國香港花劍運動員代表蔡俊彥（Ryan）。
Ryan坦言，自己並未預計會在花劍大獎賽中獲獎：「呢一年狀態真係一路都唔係幾好，本身已經將目標放咗喺之後嘅亞錦賽，亞錦賽得亞洲嘅運動員，相對會容易少少。已經將目標降低，所以冇諗過突然間攞得返冠軍。」而在比賽前一日，教練為鼓勵Ryan：「只要打得好我就將頭髮同鬍鬚染成粉紅色」，而Ryan成功奪冠，教練亦兌現承諾！Ryan笑謂：「粉紅色唔夠核突呀！應該要再Sharp啲囉！」
對於香港在第十五屆全運會中協辦劍擊，Ryan認為，在主場比賽最大意義在於能夠在家人和朋友面前參賽：「因為好多時我哋啲比賽都喺海外，咁屋企人同朋友都冇辦法現場親身支持到我，同埋喺現場見到其他支持者，可以同佢哋有互動。」
而早前在測試賽中，Ryan坦言看見很多小朋友舉著「Ryan加油」的紙牌感到很開心，不過同時亦令自己分心：「因為每次打比賽入局之前其實要好嚴肅、好認真，但係當我係台上面見到啲紙牌，我就有少少⋯⋯忍唔住偷笑囉。但係有呢個測試賽就係畀一個機會我去適應呢啲現場氣氛，我希望去到正式全運會嘅時候，我可以開心、同時亦好專心咁比賽。」
被問到自己有何優勢適合打花劍時，Ryan即時自信地回答：「聰明！」因為Ryan覺得打花劍就好像下棋一樣：「我哋成日要估對手每一個動作，如果要聰明咁打劍就係要喺適當嘅時候估中對手會做咩動作，我覺得我會贏到就係因為我成日估得中對方做啲咩動作。」不過Ryan直言與內地選手對戰極具挑戰性：「因為我自己嘅優勢可能係比較靈活，但係比我靈活嘅大有人在。所以我覺得全運會對我嚟講都係一個好大嘅挑戰。我希望呢段時間可以諗清楚，自己對住內地選手可以發揮到啲乜嘢其他優勢，可以藉住呢個機會更加進步。」
Commenti