葉童預告與黃德斌互「唱」粵語黑色話劇《唔講得》9 月重演

Bear Bear Post
7月20日
讀畢需時 2 分鐘

由香港藝人葉童和黃德斌領銜主演，改編自上海話劇藝術中心原創舞台劇《不可說》的粵語版黑色喜劇《唔講得》。去年 11 月於香港文化中心大劇院的首演叫好叫座，早前於吉隆坡及廣州兩地的巡演也獲得空前成功。《唔講得》將於 9 月 4至7 日在香港文化中心大劇院重演。

日前，劇中五位演員包括葉童、黃德斌、楊永德、翁煒桐和李俊樂進行新一輪排練，德斌說：「呢個劇過咗咁耐再喺香港重演，對我嚟講係一個新鮮嘅體驗，因為今次有啲唔同，特別係音樂方面嘅處理方式，我會當佢係一個新嘅劇去做。」

（左起）葉童直言與德斌再合作，有一種熟悉的距離感

葉童稱去年與德斌為此劇一起到幾個地方演出：「9 月就會喺香港重演，大家都好開心。今次同德斌再合作有一種熟悉嘅距離感，唔知係咪一種感情嘅昇華，就好似要行返遠少少去觀望佢，去體會佢嘅感受嘅嗰種感覺，我唔知德斌佢點諗，但我覺得佢好似迴避緊我，佢開始對我有距離感！冇嘢嘅，我接受到嘅，有啲你唔想講嘅就唔好講，我明有啲嘢係唔講得嘅。」「今次重演我哋有個新嘗試，呢個新嘗試就係我同德斌喺個劇度本來係鬧交，鬧鬧下就不如『唱』佢好似好啲。」德斌：「我哋會係現場互『唱』，將𥚃面一啲心底話『唱』出嚟。」葉童續說：「我唔單止會獨唱樂壇大姐大嘅歌，重會同德斌合唱一首天王天后級嘅歌，去『唱』出我哋係劇入面嘅心情。我哋一直以嚟都係用對白呈現感覺同故事，今次就將我哋嘅心情用歌曲呈現，我有一種『唱』德斌唱得好澎湃嘅感覺，我會周圍去『唱』佢。」

楊永德預告：「觀眾睇《唔講得》唔單止係睇劇情，後面重有好多深層次。」翁煒桐直言：「香港嘅觀眾睇過第一次就會食過番尋味睇第二次，再睇會睇得更加深入。」李俊樂：「今次我再喺香港參與《唔講得》，心情有啲緊張，𥚃面有啲新歌同音樂都要再準備，劇情都有改動，所以我都好期待。」

地址：香港文化中心大劇院

演出日期：夜場：9月4至6 日晚上7:45

日場：9月7 日下午 2:30

特別加開： 9 月 6 日下午2:30（加場門票現已於進念購票平台及城市售票網公開發售）

票價：$680、$480、$280 和$180